Drejtimi i mjetit nën efektin e alkoolit (në gjendje të dehur).
Disa këshilla praktike si më poshtë vijojnë:
- Me ndryshimet e vitit 2021 të Kodit Rrugor, drejtuesi i mjetit nuk duhet të ketë pirë ASPAK alkool kur drejton mjetin.
- Etilometri (Dräger) që përdor policia rrugore, mat sasinë e alkoolit që përmbahet në frymë, por nuk tregon saktësisht gjendjen e dehur të drejtuesit të mjetit. Analiza e alkoolit në gjak është më e saktë.
- Si çdo pajisje matëse, edhe etilometri që mat alkoolin në frymë duhet të jetë i kontrolluar dhe i kolauduar. Kërkoni gjithmonë sqarime nga punonjësi i policisë për kolaudimin e aparatit sipas legjislacionit përkatës.
- Nëse NUK pranoni të kryeni testin e alkoolit apo marrjen e gjakut për kryerjen e analizës, MUND të jeni subjekt i veprave të tjera penale si Kundërshtimi i punonjësit të policisë së rendit publik apo Mosbindje ndaj urdhërit të punonjësit të policisë së rendit publik, të parashikuara nga nenet 236 dhe 242 të Kodit Penal.
- Nëse rezulton që niveli i alkoolit është mbi 0.5mg/l, atëherë bëhet arrestimi dhe regjistrohet procedimi penal për veprën penale të “drejtim i automjetit në mënyrë të parregullt” të parashikuar nga neni 291 i Kodit Penal. Në këtë moment, kodi i procedurës penale kërkon detyrimisht një mbrojtës që të mbrojë të drejtat tuaja.